Olti Curri, opinionist i Big Brother VIP Kosova.
Numërimi mbrapsht ka filluar dhe vjeshta e këtij viti do t’ju sjellë një nga formatet televizive më gjigante “Big Brother VIP Kosova”, projekti i parë dhe i vetëm i këtij lloji në Kosovë.
Pak nga pak ekipi i këtij megaproduksioni po shpalos surpriza për publikun.
Së fundmi është zbuluar një nga surprizat e Big Brother! Ky format sjell një dyshe të re televizive në prezantim. Së bashku me Alaudin Hamitin është konfirmuar edhe prezantuesja dhe aktorja Jonida Vokshi.
Një tjetër kuriozitet shumë i madh tashmë është shuar. Atë të komentatorit zyrtar të edicionit të parë të “Big Brother VIP Kosova”.
Klan Kosova bën të ditur se një nga karriget e panelit të komentatorëve i është rezervuar njërit prej personazheve më të komentuar televizivë, i njohur për perceptimet e tij unike dhe komentet pikante për botën rozë.
Bëhet fjalë për tekstshkruesin dhe blogerin Olti Curri – i cili në këtë edicion të parë të “Big Brother VIP Kosova”. Do të mbajë mbi supe një pozicion mjaft të rëndë, siç është ai i komentuesit të këtij formati televiziv.
Kjo zgjedhje vjen natyrshëm për një nga personazhet televizive më me përvojë në median shqipfolëse. Curri pritet të analizojë dhe komentojë situatat që do të ndodhin brenda shtëpisë më të famshme në vend gjatë netëve “prime”.
Kjo është vetëm një nga surprizat e radhës të “Big Brother VIP Kosova”. Ndërsa shumë të tjera pritet të bëhen publike në ditët në vijim.
Një tjetër kuriozitet shumë i madh tashmë është shuar.
Rrugëtimi i formatit të shumëpritur nis në tetor dhe do të transmetohet përmes ArtMotion dhe Klan Kosovës.
